Nistelrooy aondoka Manchester United

Ruud van Nistelrooy ameondoka Manchester United baada ya kutopewa jukumu la kuwa mkufunzi mpya Ruben Amorim.

Mholanzi huyo mwenye umri wa miaka 48 alichukua mikoba ya Old Trafford kwa muda baada ya mzalendo mwenzake Erik ten Hag kutimuliwa.

Van Nistelrooy, ambaye alijiunga na United kama kocha msaidizi mwezi Julai kwa mkataba wa miaka miwili, alifanikiwa kushinda mara tatu na sare katika mechi zake nne wakati akiwa kocha wa muda.

Hata hivyo, Amorim ameamua kutohifadhi huduma za mshambuliaji wa zamani wa Uholanzi Van Nistelrooy, ambaye alikaa United kwa misimu mitano kama mchezaji.

United ilithibitisha kuwa makocha wenzao Rene Hake, Jelle ten Rouwelaar na Pieter Morel pia wameondoka katika klabu hiyo.

Hata hivyo, kiungo wa zamani wa United, Darren Fletcher, atasalia katika nafasi yake ya ukocha na kuendeleza kiungo kati ya kikosi cha kwanza na akademi.

United walisema "watathibitisha muundo kamili wa ukufunzi wa kikosi cha kwanza cha wanaume" chini ya bosi mpya wa Ureno "katika wakati ufaao".